النوم فيه أحلام .. ولكن العشق حلمٍ صغير
وفي عالم عيون الظلام .. الحلم قصة واهيه
تحبّني قُربْ وتعاندني على الموت الخطير
ومن السكوت الباهت .. تصير الخطاوي عاريه
لعيون كذبه ميّته .. أمشي ولا آملّ المسير
ونارك تدوب بصمت بدروب الحبيب الخاليه
كانت التحاشي يأخذ الخطوه على درب الغديروي
الناشف الكذّاب .. بوعود العطايا الدافيه
النوم فيه أحلام سامحني على هذا المصير
إسمح لطفلٍ ما عَرفْ .. سّر العيون الحانيه
طفلٍ صغيرٍ ما عَرَفْ .. في وجهك الشي الكثير
عاش الظنون وللهوى .. كانت ظنونه قاسيه
الليل فيه أحلام .. سامحني على الحلم الأخير
إنت أوّل إحساسي .. ولكن لي عيونٍ حافيه
إنت السبب في سباقي الخاسر ولكن ما يصير
أتزيدني برد وسنين البرد كانت قاسيه
إدري تحبني .. لكن الصرخة : أنا أحبك كثير
أكثر من إحساس الندم والرغبه المتساويه
والصرخه الأعظم ترى قلبي رجع طفل صغير
لو طارت طيور الوهم .. تبقى المسافه وافيه
تبقى حبيب الأمس واليوم .. وحبيبي للأخير
تبقى معي .. لو قلت لي .. بإنّ إبتسامه كافيه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.