كلها أوراق ودقايق ........... ينتهي باقيك مني
شوف هالساعة كريمة ( للسما جود و زمن )
يوم صلّى الإنس في توبة حقيقة .... أو تجنّي
صلّت الدنيا على ثيابي ......... وودّعت العفن!
إيه قلت الشمس وجه وقالت القمرا تحبني ..
واستدرت بكل صيحة في العشق صوب الكفن
همّي الأول مداك ........... وهمّي الآخر سكنّي
وانت يا لابس ظلال الغدر ........ خضْرٍ كالدمن
إيه مني المال ومني الحال و"انت اللي تحبني"
وانت يا موتي ( وموتٍ حي ) ..... أول من طعن
في مدارات ومتاهات وخيانات .......... امتحنّي
خنجرك ...... لكنّ ياما شفت في رموشك وطن!
يا ترى وشلون وجهك .. من بعد ما غبت عني؟
أبيض من اللون ....... والا أسود بزيفٍ وظن؟
مكتحل بالحب والاّ ......... بالحلا ما فيك مني؟
ما عرفت اسمي ولا لك في زماني أي زمن؟
كل مداين غربتين ...... استوقفتني وعرفتني
كل تاريخٍ جمعنا / ( ليت ) مصنوع بوهن!
ليت ما رحنا وجينا ما ابتعدنا ...( ونسفتني
ساعتي فوق السفوح ) وقلبي المسكين حنّ
والخبر ياللحسافة ...... ( انتهى باقيك مني )
أو لحسن الحظ موهوم المواعيد ... انطعن!!
يوم صلّوا يحمدون الموت ميلادي ... رفعني
ما توفّاني ظلامك .... ( للسما جود وزمن )
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.