بان الزمان وشان وجه المرايا
والناس تهنى في سبات مراقيد
يامن تلاعبني / بسوء النوايا
احذر ترى الخاطر يحل المناقيد
حكيك سوالف مثل سرد الروايا
ماقالها عاقل بشرع الصناديد
وشهي نهايتها وماهي المزايا
دام ان شرعك ماخذته المراديد
ملفاك /يشبه في حضور الصبايا
دمعة وتنهيده وزفرة جراهيد
ابخاطرك تكسب بصفك رضايا..!!
ياخي ترى الرجال وقفته بالبيد
لكن تعال اخبرك وش هوايا
واجيك بالحكمة ودربك معابيد
باعلمك / واشلون قص الحكايا
واعلمك واشلون عزف التناهيد
واعلمك حب المصالح /كوايا
وان الأماني بهذلتها التجاعيد
واعلمك يا كيف وقع الشظايا
لاجتك من غالي وضنك بها عيد
واعلمك واشلون ضحك البرايا
واشلون لا كادوا يطيحوا عرابيد
واعلمك واشلون بعض السوايا
تنهى مدارات الأمل بالتناكيد
وان صار قلبك بالمراجل خوايا
ماعاد لك سطوة بخيل ن مرابيد
هذي الحكايا واحترس للزرايا
لا لا تشبه في نجاح المساعيد
الرجل لا صارت علومه عرايا
يصير عورة مثلما عورة الغيد
نصيحة ن خذها وحاذر معايا
ماجيت للعذرا واجي للملاهيد
فكل كلمة خارجه عن رضايا
سوت لها بصمة / بفك العناقيد
خذها نصيحه واتكل عن سمايا
جاتك كما سيل وروده مزابيد
واسمع ترى عمرك قريب المنايا
والليل برقه بان ضوه مراعيد
ناظر /وقرر /واختصر بالزوايا
والرجل يبقى وافي ن بالمواعيد
نصيحتي لو تعتبرها / دوايا
تجعل حياتك من سناها مواقيد
يارب تكفيني / دروب الوغايا
واحفظ حياتي حفظ طلع مناضيد
شعر احمد المنتشري
بتاريخ 7/10 / 1435ه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.