مرحبا عد ما هبت هبوب الرياح
عند ربعي رجالا يحسب حسابها
اشقر البن ذاب وغالي الطيب فاح
والضيوف الكرام الكل حيابها
يارجالاً سوا مثل الجبل ما يزاح
عزوتاً حي والله من تعزوابها
بيرق المجد فوق وبارق الخير لاح
وامجادنا مستمره ونتغنابها
مرحبا ياهلا والصدر زاد انشراح
في حفل عبد الطيف وناصح ابدابها
والله ونعم النشاما ياعيال الفلاح
والكل منهم شهادات الفخر جابها
ضباط متخرجين وضامنين النجاح
والنار ما شبها الا كود شبابها
كل الهدايا لهم والاوسمه والوشاح
والكل تزهابه الرتبة ويزهابها
متعلمين المهارة والرمي بالسلاح
صارو دروع الوطن في وجه حرابها
والحر حوله فضا ربي يمد الجناح
ماعنده الا مخاليب ايتعشابها
والي طريقه على درب الهدا والصلاح
دايم حياته هنية ويتهنابها
والي حياته قضاها بين ضحك ومزاح
دنياه لابد يوم تكشر انيابها
مخطي دروب النشاما مايذوق الرباح
عساه فدوة رجال تفتل اشنابها
لو طال فوقه ظلام الليل نور الصباح
يكشف دروب الظلام الي تهقوابها
واجدادنا اكثر مراجلهم بزرق الرماح
يتعب ولو دونها الي كان ما هابها
وانكان وقت الرياجيل المطانيخ راح
اليوم علم وشهادة فازوا اصحابها
والامنيه ما تجيك الا بصبر وكفاح
ولا الدعا باذن ربي يفتح ابوابها
هذه القصيدة في حفل الملازم ناصح جبر السلمي
والملازم عبداللطيف علي السلمي
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.