عمار ياوقتً مضى
ياليت وقته ماقضى
فيه السعاده والرضى
.....................عمار ياذاك الزمان
زمان يوم إنا بدو
وبيوتنا هرس السدو
والبنت ماتعرف شدو
.....................عمار ياذاك الزمان
يوم الدبش يرعى قفر
مطعومنا اقط وتمر
ودلالنا فوق الجمر
..................عمار ياذاك الزمان
الجار من جاره قريب
والنجر تسمع له نحيب
وقت الفجر ماهو غريب
.........................عمار ياذاك الزمان
يوم المره تجيب الحطب
والماء تجيبه بالقرب
ماعمرها تشكي التعب
........................عمار ياذاك الزمان
احدً سرح يم الأبل
وحدً تحيزم بالحبل
من التاعب ماحدً يمل
.....................عمار ياذاك الزمان
نسرح ونمرح بالشعاب
بين الجداول والهضاب
مافينا ضغط ولاكتئاب
.......................عمار ياذاك الزمان
زماننا هذا خطير
شره عظيمٍ مستطير
فيه المشاكل تستدير
.....................وشئ نهاية هالزمان
ماغير في أكل وسهر
والظغط والسكر حظر
في وضعنا نعيد النظر
......................وشئ نهاية هالزمان
حتى المره تبي تسوق
في كل حي وكل سوق
من الغروب اللى الشروق
..........................وشئ نهاية هالزمان
اليا متى هذا السكات
دنياً تخلينا شتات
يالله يالله الثبات
.................وتجيرنا من هالزمان
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.