ما على صدر الجرايد سواها مانشيت
ما على بيض النوايا سواها من كلام
ما على صدر النهار البكر يومن قريت
غيرها أزكى من الفل و أنسام الخزام
جبتها من قبل سمحان لهرمز .. و جيت
من عمان اللي تهجّيتها قبل الفطام
من عمان اللي سرى بي حبها و إنثنيت
أطلب الصبح المسافر يودّي لي سلام
يوم جيت أحمل تحيات هيبتها سريت
مختلط مع صادق الحب وافر الإحترام
ما نعزّي في أبونا ترانا مثل بيت
واحد .. و لا جات سيّه سهرنا ما ننام
لك سلام الله من الروح يا روح الكويت
يا الكويت الحرة الشامخه قدر و مقام
شفت روح الشيخ جابر بقت في كل بيت
الكريم يعانق بروحه ارواح الكرام
العظيم و ما كفا القول لو مهما حكيت
الحليم ، الوالد ، الماجد ، الرمز ، الوسام
السلام ، الصفح ، من روحه العذبه لقيت
وصف يحوي عارض المزن و كفوف الغمام
كفّ رحمة روحه الطاهره حيّيٍ و ميت
كنّها ما تمطر إلا عصافير و يمام
في عيوني صورته ذيك تبقى ما حييت
يوم عادت فيه روحه سجد للّه و قام
قام يبني لين جاوز شعبه كل صيت
و إستعاد أمجاد داره ووصلها السنام
ألف رحمة جابر قلوبنا .. روح الكويت
جعل قبرك رياض الخلد و غسولك رثام
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.