كم من صديقن في رخاي انا عتبره افضل صديق
واقول هذا محزمي ضد الزمان وشدته
ويخيب الهقوه نهار(ن) فيه دنيايه تضيق
كنه مايعرفني يصد ويفتخر في صدته
وانا الذي لاشفت شين قدم وجهي مايليق
ابعد مراسي لدتي والرجل يبعد لدته
وانا الذي لوتالع الدنيا لجل صدقي حريق
سيف(ن) ينومس من يحطه فالمواقف عدته
ولو الليالي سببت في خافقي جرحن عميق
اصبر ولو أن الليالي ثوب صبر قدته
واللي يبيني فزعته يبشر برجلن عن فريق
انامثل صقرن ينومس من يهده هدته
وانا لياساعدت شخص(ن) محرجه ضرفن معيق
ماني بمثل اللي يدور مدحته في مدته
اقف معه وساعده وأخلي احجاجه طليق
واكسر حواجز وقته اللي عن طموحه ردته
كم واحدن جفنه من دموعه من ألدنيا غريق
محتاح منى فزعت(ن) تنسيه ماضي كدته
يالله لاتجعل ينتخي رجلن لحمله مايطيق
محتاجني وابخل وانا اقدر فزعته في شدته
مافيه شخص(ن) يضمن اليانام من نومه يفيق
العمرمهما طالت الدنيا قصيره مدته
حسين الكايد
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.