عقيل الرشيدي
ياسلامي سلامن يتبعه قول باك
من يرد السلام ومن يولكم لنا
الوضع مايطمن ساكن بلا حراك
ياعسى مانسونا وارحلو ربعنا
حسن عامر
مرحبا بالفصيح اللى يخالف لغاك
مانغير عوايدنا ولا طبعنا
انت ماتنبسط حتى تشوف العراك
ويش يضرك ليا ساد الأمن عندنا
عقيل الرشيدي
البقا بي عسى الله يا خوي يهداك
طبعكم به تغير ليه يا اصحابنا
ماخطينا عليكم يوم جاني خطاك
ليه ترحيب فينا مالقينا هنا
حسن عامر
كيف نقدر نبين لك خبر وانت شاك
صاحب الشك يا مخلوق ماهمنا
مانت رب الاوادم لجل نطلب رضاك
والخطا والزلل ماجاك من يمنا
عقيل الرشيدي
ماتبين قوافي سرها ماخفاك
لومعاني حروفك ماحرقت دمنا
تدري ان الفضيله لا اعترفت بخطاك
تبعد الشك عنك يا ولد عمنا
حسن عامر
لانوينا النوايا مارمينا قفاك
مانخفي سهوم الغدر في كمنا
انت ماتعرف اين الاصدقاء من عداك
تحسب انا سوات الطرش وتخمنا
عقيل الرشيدي
اعرف اللى بيمينك واعرف اللى وراك
حسب ردك يجي لك ياخوي علمنا
راجع احساب فكرك قلنا واشبلاك
يقلب الرحب يمك مايبي سلمنا
حسن عامر
لوحمسناك تشبه زبدة اليورباك
مابعد شفت قسوتنا ولا سمنا
خل مانا وانا اقلك توضأ بماك
وان سمعت الأمام أمن فلا تمنا
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.