يا ابو محمد يا حفيد الصناديد
شوخٍ على الميقاف مثل الرواسي
هقواتهم تُعجِز قروم الأواليد
وإلهم يلين اللي على الناس قاسي
أيمانهم من فوق الأيمان وتزيد
وأفعالهم تجلا الكدر والعماسي
ويوم إنها كانت بشلف وبواريد
فيهم على ورد المنايا حماسي
ياما ثنو دون أمهات المفاريد
وياما خذوها من جموعٍ مراسي
بحور طيبٍ مالها صدق تحديد
وبالفعل هم للمدح قمّه وساسي
ومدحي لهم ما فيه شك ومناقيد
من واقع التاريخ هذا اقتباسي
سيرة غراميلٍ مثل نايف الحيد
ماهيب شيخة ذود والا تباسي
أرسلت يا شباب مثل العباريد
ومنها تذكّر منزله كل ناسي
طمعة مساكين العرب منزل السِيد
ومطاول الهامات نِسيَ المقاسي
قام الثعل يضبح يبا الصيد ثم صِيد
ومن مخلب الضرغام جاء له حساسي
بالأمس له طمعه وله بالحِيَل ميد
و اليوم ماله في مصابه مواسي
كلن يعرف انك رهاوي و صنديد
ولا تقرب الهزله وشامخ وراسي
واللي يفيد الفيد يستاهل الفيد
وخمس الاصابع ما بهن متواسي
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.