الكبوس وسكاكرته

ما قلنا لا تعلّق صورة احلامك على الدبوس..!
اذا.. حلمك..نجوم الظهر ..خابرها وخابرته..؟؟

يا مفلح ما بعد راسك وراس اللي يحبك ..روس..!
يا اميرن ..ما يفوت ..الطيب خافيته وضاهرته..؟

كريم الوجه ..طحطوح الروابع.. نصرة الميؤوس..!
معك حتى زمان الطيبين ..اتعود ذاكرته..؟؟

ياطيرن ..ريشته تقصر شبر عن ريشة الطاووس..!
ولا باقي فضى يستاهل التحليق ما طرته..؟؟

حضورك يسرق الضلما ..ويلعن خيّر الفانوس..!
يا حلوك يالمزاج اللي لا طار النوووم سامرته..؟

مزاجن مايجي ثلثه ..مزاج الشاهي الكبّوس..!
ولا يقطع ضما تفكيره الاّ جوّ . شاعرته؟

على اذنك يا(.....) ودي اغرس فالنفوس انفوس.!!
واصوّت ..للبحر وارمي بعمري فوق باخرته..؟؟

انا عارفك زين وعارف المخلص من الجاسوس.!!
ولو عذّرك مفلح بن نجم ما انتي بعاذرته..؟؟

علامات التعجب والنقط والفاصله والقوس..!
هي الشي الوحيد اللي عليكم ما تكاثرته..؟؟

خذيه ابهمس والا صوت والا شوف والا بوووس..!!
دخيل الشيبتين اللي لها شهرين ناقرته..؟؟

على مفلح سلام الله سلامن مثل حد الموووس.؟
بناخي ..وابن عمّ..وجار ..وافخر في مجاورته..!!

'عساني من هل الجنه واشوفه فوق فالفردوس..!
و مثل ما فاز في دنياه ..اشوفه فاز فآخرته..؟؟

جمال المنجووووومي
........

كبَرْت وصار لك هيبه...وتملي من فراغ دروس
يامُرْْهف حس يامهندس...صنع تاريخ مسطرته

تعاتبني على حلمٍ...رفض مبدا...وهم مدسوس
وابَرْح لك فضا صدري....مع...انك غصب ما اخترته

ياراع الراس...والنيمس...واساطير اخر الناموس
ياريح الكيف .....والبراد لا ذابت سكاكرته

على ميزانك اوزن لك ذهب ما.. من وراه فلوس
وحتى صوتي امْن اسنين...ما وفرت حنجرته

لا نك ياجمال احساس في قالب زمن محسوس
حفرك المجد في قلبه....وشحت بك..دفاترته

اخاف ازفك....ويزعل علي الطايف المانوس
بعد حطك بحَلْقِه...وانكر اللي كان بنجرته

وانا ماني مدينه قبل تاصلها....تسوق عسوس
ولا انته عمر..رغم انك..شجاع...يزور مقبرته

عليك الله وامان الله...ومن حقك...تثور هجوس
وشرهة شاعرٍ مثلك...على منسوب محبرته

واذا شعري لفت..كل انتباهك....قل...عليّ ملبوس
وقول اللي تقوله...وانتبه لتقول..... كفرته

اخاف تطيح من عين الاجر..في وزرك المنحوس
وتلقفك الذنوب ...وتكشف اخر شي دبرته

تراجع عن غرورك....دام في قلبك عروق يبوس
ياعودٍ... عج دخانه.....ولاهو قيس مبخرته

مفلح الثبيتي