محاورة الجمل

البدع حسن عامر
.
ياقوّ صبر الجمل ياكثر ظلم الجمل
يمجدونه رياء ويمدحونه كذاب
من شأن يشتال حملٍ جايرٍ عالمتون
وأن طاح ماحدٍ جبر كسره ولاساعده
كلٍ تحزم بسكينه وياكل منه
.
الرد : ابوتركي
.
الله يجملك ياللي ناويٍ بالجمل
مادام راع البخاله يالوفي منك ذاب
واقل لراع العجاله هد ع العلم تون
وصل محمد وجاك مشمرٍ ساعده
كلم لنا بومحمد والا انا اكلمنه
.
البدع حسن عامر
.
مدري هو العلم وصلك ياوزيرالعمل
بعض المطاعم تفنن في لحوم الكلاب
واهل الرقابه بعضهم للاسف نايمون
واللى معه واسطه ماضن تلوا يده
لو ورط عند المدير يكلم اكبر منه
.
الرد: ابوتركي
.
مدري راع الولع كنه بعد مالولع مل
والا صحيبه يقله لالالامنك لاب
واصحابنا ياحسن الطارف النا يمون
واللي معه فايده ماعطاني افوايده
والتمر جاء مالقصيم اظن والبر منه
.
البدع حسن عامر
.
بعض العرب له سيوفٍ بت صل بت صل
يروي حدود الشبا فالخصم حتى النصاب
والناس لاغشيهم صيف التهم يسمرون
ولا المساحل على حدّ الشبابارده
والناروسط الحطب ياجي لها ولعنه
.
الرد: ابوتركي
.
يارئيس الصين باقي بتصل بتصل
لكن من عين حاسد خايف انا نصاب
ابتصل بك الى راحو العرب يسمرون
لكن الاجواء في ارض الصين اظن بارده
وابليس لو وسوس انا بلعنه بلعنه
.
بدع أبو محمد
.
الناس قاموا على أردوغان لكن صمل
نادى على الشعب وأحبط خطة الإنقلاب
رئيس معه شعب مخلص يخدمه مايخون
يحكي معه من خلال سكاي ويواعده
وعانه الله على اهل الكيد والفرعنه
.
رد ابو تركي:
.
ولا زمان المخاصل والقني والصمل
العصر الاول تغير واي نحن في انقلاب
الى انتخا واحدن مالقي له من يخون
مدري وضح فكرنا والا اثني واعده
والشجره الطيبه بتزيد بالفرعنه
.
رد أبو عامر:
.
حليل منهو يفارع عند ضرب الصمل
الفايز الخوف في قلبه من الا نقلاب
واهل القوافل تحت ظل الشجر نايخون
ماني مؤيد هل الارهاب والقاعده
ذا ما معه عقل يبقى تايه فرعنه
.
البدع حسن عامر
.
موسى اذا القى عصاه السحر منهابطل
اثر الجمل مادرى أنه ضمن عوج الرقاب
تحمون مرّه ومرّه وشبكم تفترون
مظلوم من طاح بين العالم الجاحده
يكبرون الحكاوي والتهم بلسنه
.
الرد ابوتركي
.
سويت لي سالفه واريد منها بطل
اثري مراقب ولاكنت ادري اين الرقاب
ماغير اقل رسلكم ولا نبي تفترون
خلو الحقيقه حده والزور لاجاء حده
والجرح اظنه عميق ولايبي البلسنه
.
البدع ابومحمد
أنا أخبر الشعزر ياشعار نقض وفتل.
والى أنقفل باب واحد من جهة فتح باب.
واليوم أشوف العرب في شعرهم يلمزون.
لكن لا تحترون الشيء من فاقده.
ياماكبرالفرق بين البني والهدمنه
.
الرد ابوتركي
.
الله يسقي زمان المرت واهل الفتل
كانت علومٍ على كيفك ولفت حباب
ماغير اقول امطري ياغيمةٍ فالمزون
عساها تطفيك يانيران لي واقده
صار القريب المحبه منه والهد منه
.
البدع ابومحمد
.
عيسى أبن مريم رفعه الله تروامانقتل.
قالواصلبناه يوم إن راح عنهم وغاب.
وقوم موسى لعجل السامري يسجدون.
يبدون الإيمان غير قلوبهم حاقده.
الكفر بقلوبهم وايمانهم با لسنه.
.
الرد ابوتركي
.
النخل ينبت بقاع ولاهو ابينق تل
وباق الاشجار فالاشعاب سموه غاب
وناس تقتل بعضها واما ناس ينجدون
ولا بغير مدام الجيم والحا قداه
اليوم عود دقيه واي شهرنا سنه