شفت المنافق شيخ مزين خفاياه
ممدوح من ناسا بعيني كثيرين
متناسييناً ايته ثم ممشاه
ماكن كذاباً ولا خايناً شين
لاموفياً بالوعد يوم الوعد جاه
له وجه واحد بس يعيش وجهين
في مجلساً ضمه مهو قول زرناه
سالت .ثم ان قلت ياناس ياسين
جاني جوابه ترجم افكار مبداه
ماعاد له مدلول وبليا مضامين
سالت وين الصدق قالوا تركناه
قلت السبب قالوا مصالح وتامين
بدرب المصالح اتفقنا ودفناه
ماعاد له سوقاً ولا له محبين
وذابت حروفه ثم حنا زلهناه
واصبح مجرد ماضيا دون تثمين
وتابعت وين الكذب قالوا عرفناه
اسرع وسيله للهدف للملايين
لبس انواع ثياب وغير مسماه
وراعيه اصبح مستشار القوانين
يفتي لنا بكل شيئاً سالناه
مقبول حكمه لو بليا براهين
يريد يسهب بس غيرت مجراه
حيثه كلاما يفتقد للعناوين
هذا قليلاً من كثيراًوشفناه
والكل شاف وكل منا بعينين
ياحيف مات العقل ماقول بعناه
مع من يعيش الحال بليا موازين
اوصاف للي مات بوسط دنياه
او محسوباً عرض من هم مجانين
وش رايكم بالقول اللي سمعناه
مع ناس والله شكلهم بالغريبين
والحكم ماهو شامل في شيء قلناه
الكل له فطره وطبعاً وتكوين
والدين واضح سهل بكل معناه
كلام رب الكون جوابه امين
دستورنا ومفروض حنا حفظناه
وحياتنا مسار ماهي مسارين
يالله ياللي واحدا ونترجاه
ترحم عبادك مانبيهم مريضين
عواد الهران
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.