انا لا جيت اقول واهجوسي تقول
قول ٍ يخاطب فالرجال اعقولها
عن ربعي العجمان ماضين الفعول
الاد مرزوق ان لفى مرسولها
سلام تسليم ٍ على نهج الرسول
ينقى جواهرها ويصفى لولها
على هل الطالات شرهين الحلول
قوم ٍ تقول الكايده وتطولها
من عرض طول المجد والا عرض طول
بيارق ٍ تركز بفعل ازحولها
في ما مضى والجيش يبرى للخيول
يوم ال مره في سروج خيولها
من ضربهم كم راس عن متن معزول
ضرب ٍ يهز اعروض الارض وطولها
يوم الاشده والسروج الها حمول
كم سابق ٍ عادت بدون حمولها
قول ٍ عليه اثبوت واشهود ٍ عدول
الشاذليه لا يوقف دولها
يوم ال عذبه بالنقاء تدهى الزحول
في حلولها في ذمتي ف حلولها
ذيدانهم ترعى الخطر في كل حول
من وين ماطاح المطر صاحوا لها
هياتهم ترضى بها نفس الزعول
واسيوفهم روس العناد تزولها
على مكف العرق شول ٍ جنب شول
في ضف قوم ٍ بين ٍ مفعولها
ونعم ٍ بهم لادقت الحرب الطبول
ستر الفتاه اليا انقضت مجدولها
دون الخوي يعطي حداهم ما ينول
اقولها والغانمين اتقولها
يوم انت ي ابن خجيم بالفزعه عجول
حيثك زبون اللي صعيب ٍ نولها
سيفك على الطالات جزام ٍ وكول
قدمك تصف النادرات فلولها
عايض يابن سالم عسى عمرك يطول
اطروق فعلك ما به احد ٍ حولها
شيخت فعولك من طنا فعل وميول
فعلك يمد لكل نفس اميولها
امنومس ٍ ربعك على مر الفصول
نوماسك يعمْر السنه بفصولها
الاوله لك لو ورى صم القفول
فعلك يحل اعلومها واقفولها
الطيب لو له مع هل الطالات مول
فانت الوكيل لطيبها و ال مولها
صبيت لك من صفوت الاشعار دول
وانت بجميلك صغت كل افعولها
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.