اللي ذبحني ياعرب ماله اوصوف
متمالكن عقلي ولاني ملكته
ان جيت اميز حسنها يقصر الشوف
يضيع وصفي فيه لامن وصفته
ماله شبيهن بالمزايين وخشوف
ولابه جمالن مثلها فيه شفته
هدب عيونه رمشها سلة سيوف
ياويل منهو في خطاها عثرته
يفز قلبي لا نظرته من الخوف
سبحان ربن خالقه لانضرته
ماله شبيهن لابحصه ولانوف
مايشبهه ياكود ظبين خبرته
له بحياتي منزلن داخل الجوف
ولي بحياته موطنن ماذكرته
ياليت من يدري عن الحال ويروف
عامين صوته ياعلي ماسمعته
اقصد بهم بين المسايير وضيوف
وبقاصي العربان ذكره نشرته
بشيل حزني والهوى صار مكشوف
ولافيه حزنن بالهوى ماشربته
بكتم حنيني والقدر فيني مكتوف
وارجي وصاله مثل طفلن حضنته
العمر مره والفرص وقتها يطوف
والعذر ماينفع لشخصن خسرته
من بعدهم حالي من الوجد ملهوف
والدمع يروي ناضري ماحسبته
وحلم بحياتي وانتهى بين عاصوف
وحتى الفرح.. كل الفرح ماعرفته
ان كان قصده ياعلي يشكف ظروف
مافيه دربن يمها ما سلكته
وان كان قصده يمنا يبخل الشوف
الي نساني ياعلي ماذكرته
وان كان قصده يذكر الطيب ومعروف
هو الي ظالمني وانا ماظلمته
الله على وقتن مضالي ومعسوف
احلى الزهور اللي بعمري قطفته
العمر مره والفرح يشبه الخوف
والحب يبقى بالعمر لو هجرته
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.