أبسكت و السكوت أحيان يتكلّم ! - جاسر الرويلي
أبسكت و السكوت أحيان يتكلّم !و هو يشرح شعور آكنّه بصدري !وأبصنع من جفاك لصاحبك سِلّم !و أبرقى .. للوصول لمرحلة قدري ،أنا مخطي بحقي ليه ما أتعلّم ؟!أكذّب نظرتي ، و آصدّقك بدري ؟كذا دايم .. أبنوي البُعد و اتولّم ؟و أعوّد كنّ شي يردني .. مدري !أنا .. من كثر ما لحضورك أتحلّم ،تمنيت اتّجرع .. من قسى كدري !تمنيت أحقرك .. و آمرّ ما آسلّم !تمنيت آترفّع .. و اتركك حدري !أنا ما عاد لي .. من ظلمك اتظلّم ؟أنا كنت انتظرك تحسّ من غدري !إذا تجرح ... ولا تحسبني أتألّم ،ترا تكسر غلاتك و انت ما تدري !#جاسر_الرويلي
© 2025 - موقع الشعر
لا يوجد تعليقات.