تراهنتوا تطيحوني تجمعتوا مع الحساد ..
تكاتفتوا على شيٍ من الله ما تطولونه ..
انا ادري بكم اعدا / خفاكم بالصدور احقاد ..
حسدكم واضح ب افعال لو ب اقوال تخفونه ..
امشيكم على كيفي / اقيدكم انا مانقاد ..
واعيشكم امان النصر لكن ماتشوفونه ..
ولعبتكم اكملها واخليكم بها واصطتاد ..
على اعدائي اقلبها /أهالي المكر وفتونه ..
وحفرتكم اوسعها واطيحكم بها تعداد ..
بديتوها بحرب وكيد ، عيشوا اللي تكيدونه..
تجوني ظلم ومهايط وبطش القوّ استعباد ..
مدامي شمس ب الدنيا وضوحي ماتحجبونه ..
خسى من هو نوى قلبي لكم دايم على المرصاد ..
اعلمكم سمو نفسي / ذكاء العقل وشلونه ..
وطبعي السلم واحبه ولكني على استعداد ..
ليا دارت رحاة الحرب اخوضه اعشق فنونه ..
من الله قوتي بالحق ماهي ببطش واستبداد ..
كذا ربي خلقني غير /برغم اللي تشيعونه ..
ترا ما همني حاسد ولا اعداء او نقاد ..
مدام دروبهم غبرا .. صععب دربي يمرونه ..
انا عزه انا قوه صحيح القول والاسناد ..
مدام الهيبه في شخصي واسمي غبن يقرونه ..
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.