بين صلفات الحظوظ وبين هقواتٍ خفيه
سرْت مدري حرْت مدري رحْت أدوّر عن شفاتي
الصدر ملياااان غبة شوق واليمنى خليه
والعيون تشفْ باقي دمعها وتزم الآتي
رحت له والشوق ماخلا ولا بقّا شويه
ليلةٍ وعيون خلق الله بامانه غافياتي
جيت له برقٍ سرا يكشف بجوف العقربيه
من تحت نجمة سهيل وفوق ضبح العادياتي
قلت: قم لاتحسبن الوقت يمهل سرمديه
لايطول ف ثورة الأشواق ياهيه السكاتي
قم فدتك الروح سمّعني حديث الشاذليه
للفناجيل وعسى ليل الشقا عمره فواتي
نادني باأخت البدر وان كان تقدر جبْه ليه
وهات لي كل النجوم مقيمها والسارياتي
مد لي كف الغلا بقرا وش المكتوب فيه
ملهمك يالشاعر الخدين ولاّ الناعساتي؟!
قال:لك خصرٍ نحيل ونجل سودٍ بابليه
وعنق ريمٍ مع بنات الريم يرتع بالفلاتي
عينك اليمنى غدير وعينك اليسرى عذيه
تارد الحيّام لزلالك وترجع ضامياتي
قلت:وش فرق السما عن قاع الأرض الجرهديه
قال:فرقك يامناة الروح عن كل البناتي
قلت:وش يطري عليك إن شفت شقرا معنقيه
قال لا أقبلتي يضج لخطوتك صمت الجهاتي
قلت:طيب وش يسمى الخل لاخلا خويه
قال:يالله في ذراك من المفارق والشتاتي
قلت:والله ياوليف الروح ياقدرك هنيه
ثبته من ثبت طويق وتعاريج السراتي
وانك اللي مابعد داس الوطا رجّال زيه
في عيوني يابعد كل المخاليق بحياتي
إيه احبك إيه احبك إييييه احبك وش عليه
قلتها واعيدها واحلف بربي ياغناتي
الهوى سِيِد الرقاب النايفه غصبٍ مجيه
طوّع الأشناب وش عاد البنات المترفاتي؟!
وسلامتكم
::::: كبرياء ::::
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.