يا هل المرقاب .. من عنده ( قصيدة عاطفيّه )
لي ثلاث ايام ( بصمة ) راحتي من فوق خدّي
اسعفوني .. يا وجيه الخير ... من باب ... الحميه
كن هاجوس .. القصايد واقفٍ . خصمي ... وضدّي
ودي اكتبها ... وخانتني الحرروف الابجديه
قلت ( ودي ) قال ( تفكيري ) حشا ماهوب .. ودّي
كلبوها حول ( عشر بيوت ) ونحل ( القضيه )
للزماله ( حقها ) قدام لا ينباح سدّي
او تبون نحط شرط ؟؟؟ ونعطي الفايز ( هديه )
لين كلِ يجتهد ( فالوصف ) ... من باب التحدّي
في هنوفٍ كن نظرتها ( غموض الجاذبيّه )
كل ما لدّت نظرها يختلط ( جزري ) ( ومدّي )
بنت من يورد ( شيوخ القوم ) ل حياض المنيّه
داسمٍ شاربه . من ( روس الشيوخ ) ولا يصدّي
عيطموسِ كنها وصف ( الكحيله ) ( والعبيّه )
الحيا ( ملبوسها ) ( والملح والزين ) متعدّي
جادلٍ شامت عن .. دروب ( النطيحه ) . ( والرديّه )
في تغنجها ( رهاوه ) فارقه ( ياعين جدّي )
فارعٍ في ثقلها .. حكم .. ( السلوم اليعربيّه )
مايفوز ابها .. ويمسك حكمها ( حظ )متردّي
الوكاد اني بغيت .... اكتب ( قصيدة عاطفيّه )
كان ودي .. مير ما جات المناوي . حسب ودّى
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.