يا حظ والعثرات دورن ورى دور
يا حظ تكفى لا تكتف يديني
ليه انت موجعني وماليني كسوور
وودك مع الصدمات تلوي يميني
مجبور لا والله ماني بمجبوووور
باقف ولا احني في المواقف جبيني
انا من الفطره عصامي ومغرووور
واقدر اقزم كل حاااااااااجه بعيني
تبي تطيحني مع الوقت مشكووور
لكن قااااااااعك ما اعتقد يحتويني
انا كبير افعال واقوال وشعوووور
مجروووح عادي هذا ناتج حنيني
شفت الحنين شلون يبدل الشوور
خلا القصيده تنحرف ما تبيني
تبي تناجي من لها القلب مفطوور
اللي غلاها من غلا والديني
احبها والحب يذهب ومخموووور
وانا شربته لين ضيعت ويني
حبيبتي قانون ثاااابت ودستووور
وانا نظاااامي بين عطفي وليني
حبيبتي ما للقسا والجفا غوووور
الا دمووووعي يوم يسكت ونيني
عودي ظلااامي يرتجي وجهك النور
عودي مطر جفت وراكي سنيني
اسف على اخطائي اذا كنت معذور
باسم المحبه والغلاااااا سامحيني
وان كان ما ودك لك القتل مأجوور
خذي اجر في ميتك واقتليني
ارض الصبر ما عاد فيها غدت بوور
واحزني اللي صار مني وفيني
حبيبتي بعدك انا رجل مكسوووور
فتات مدري هو متى تجمعيني
طاحت من اكتاف التعب عشرة شهور
وللحين احبك واعشقك صدقيني
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.