عندي نصيحة للشباب أرجو عساهم يسمعون
ترى النصائح تنشرى وأنا مقدمها سبيل
فكر معي لن كان عندك عقل وبرأسك عيون
لا تنجرف لا تنحرف لا تتبع القلب العليل
لا تسمعون لمارق ٍ مختل في رأسه جنون
هذاك متخلف بدار الغرب أكيد أنه عميل
ولا تنحرف مع شلةٍ من دون حتى ينفدون
أترك خفافيش الظلام وعد للرجم الطويل
الناس تصلح في بلدها والعفون يدمرون
دمرهم الله فاللهيب اللي نجا منه الخليل
شلة تهدم أمجادها على البناء ما يقدرون
لكن دار المجد يبقى مجدها والله وكيل
يا شلة الإرهاب خبتوا وش كسبتم يالعفون
خفاش مات ومن بقى خفش ما يظهر مستحيل
ما دمت في نعمة وأمن قلي وش الموزم تخون
وأنته معك بيعه فعنقك ما معك فيها بديل
الدار في وصف أمنا والأم معروفة حنون
واللي يضيع حقها هذا مضيع للجميل
خليتوا الدرب السنع وأخذوه حمران العيون
أهل الوفاء جند الوطن عزه مزبنة الدخيل
نحنُ غذيناكم وقمتم في ظهرنا تطعنون
والطعن بظهور العرب ما هوب طبع ٍ للأصيل
أهل الوفاء مرسين فبلاد الوفاء مثل الحصون
واللي يبا يعبث ويلعب فالبلد عقله هبيل
لو كان درنا الكون كله ماش مثله ما يكون
يا منبع الإسلام والله ماش مثلك مستحيل
حكامنا آل سعود لأبطال الرجال يقدرون
شجعان فالميدان وأن أعطوا ما يعطون القليل
وختامها عسى الشباب بقدرة الله يصلحون
ويبعدهم الله عن شلل ما عندهم علم ودليل
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.