ان تلاقينا. الكبار امع الكبار
احتمي الميقاف والذئيب يعوي
منّك سلطان الشعر جاله وقار
اعزمه ويقول هو جعله قوي
ماتلفت من يمين ومن يسار
مزبن الجاني خذ الليل اسروي
مايذل من اللقاء غير الصغار
وبدوي صاحبك جامعّه ابدوي
كل واحد في لزومه شب نار
تستوي وإلا عساها تستوي
مهنة الشيبان في فقد البكار
التوجد صار رفعٍ معنوي
ياوجودي كل ماشفت القصار
ات تطاول بالمعاني ياخوي
اكرب حزامي واغنيها جهار
يد ماصافحتها تلوى لوي
كل راس اطالعه دنق ودار
تحت سيفي ياهجوسي مقتوي
اتعناء والعنا ليل ونهار
من جهل طيور شلوي يشتوي
الهوى هبهب وطار الطير طار
والنداوي شوف عينه يرتوي
الذياب الناب يامخلب حرار
لاحتمى الميقاف والذئب يعوي
رد سلطان
التقينا والشعر درب ومسااااار
وانت شبرك فيه فارق ياخوي
انت مثل الشمس في وضح النهار
الرقاب اللي تشوفك تلتوي
وانت مثل النجم لك جذب ومدار
لا انفجر حرفك علينا له دوي
يا محمد وانت ما انت بمستعااار
الجزايل منك غصبٍ ترتوي
هاك عني علم من جمرة ونااار
وانت فاهم مقصدي يا نخبوي
يا وجودي وجد من ضيع وقار
وانثبر من عقب ما كان القوي
ايه راحت والقرار اصعب قرار
والله ان الحال بعده فوضوي
من دمار الى دمار اليا دمار
وانت خابر كيف لا حب بدوي
انتهيت وصرت للمشهد إطار
وداخلي ذيبٍ من الضيق يعوي
الفراق احيان تعريف انتحاار
والجنون اشعور لا يعني سوي
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.