اليوم جيت ووقفتي محسوبه
وكل ٍ يقدّم لأمّحلة مأجوبه
ما جيت اعرّض صورتي بالشاشه
وعيال (عمي) للعرب مطلوبه
سلام يالويلان ..وايل ..وايل
من شاعر ٍ لا ما تضيق إدروبه
يا لابتي .. يا عزوتي ..وعقالي
يا سيوف لأرقاب الردى منصوبه
افاعلكم .. بين العرب ما تحصى
وامجادكم ..بأسم الفخر مكتوبه
ما خاب يالويلان من ينصاكم
يا نصرة المنكوب .. و المنكوبه
مطلق ..ربيعه ..راح بالزنزانه
واهل العفو ..حلّو عليه التوبه
مأجورة ٍ عند الرحيم ..الهادي
واللحين ما غير العزاوي صوبه
(تكفون ) من دون القصايد تكفي
وانتم اساس الطيب طوبه طوبه
(..تكفون..) والموقف يبي وقفتكم
يا عزّ ..منهو ثوبكم من ثوبه
يا ذخرنا ,, يا فخرنا .. والماضي
يا ربعنا ,, يا طبعنا ..والنوبه
يا جودنا ,, ووجودنا ,, والحاضر
يا دارنا ,, يا نارنا ,, المشبوبه
بالهيل ! والا الخيل ! والا اطيّبها
با اللزّ ! والا العزّ ! والا إسلوبه
بالجد ... والا المد ..وش خليتوا ؟
يا اعجوبة ٍ ما بعدها إعجوبه
اليوم جيت .. وحبكتي .. بالدله..
حبكة شعر ..للكايدة مصبوبه
ومدام ..ويلان الفخر قدامي
صبت ..فناجيل الرحا مشروبه
والطيبة في كل قوم وديرة
ولاهي على غير عنزة محجوبه
الاجودي ..لو هو .. بعيد ٍ .. دمه
لا ما تردا لا اللتفت ل جيوبه
لله ..وبعد الله عظيم امالي
بالخير واهل الخير لا حسوبه
ومن فرّج الكربة لاخوه المسلم
بالاخرة تفرج عظيم كروبه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.