يارجل لو تبحث للاوضاع تبرير
يجيك من بعض الامور اندهاش
بعض المعاني ما ورى نبشها خير
ادمس عليها بالقدم وانت ماشي
احذر تبيّن سرّها للمناعير
الصمت خيرٍ من كثير النقاشي
عيبٍ تجاري بالردا نافخ الكير
خلّك عن الداني بعيد المناشي
انت احسم الموضوع من دون تاخير
ولا تستمع في شور مبغض وْ لاشي
وان كان شفت الوضع جا فيه تزوير
وضاع العدل ما بين مرشى وْراشي
جنّب عن اهل المخطيات المظاهير
واحذر يصيبك من مطرهم رشاشي
مالك ومال اهل العلوم المقاصير
اللي يشبون اللهب فالقشاشي
فالخبت ياماكثر عجاج المعاصير
تومي هبايبها بروس العشاشي
والا الجبال مشمرخات المسابير
على جنبها ما يحوم الفراشي
خذ الدليل وكب عنك التفاكير
ولا تنخدع للي عن الحق داشي
اجزع مع اوجيه الرجال المشاهير
خلّ العيا لاهل القلوب الغشاشي
بعض الطمائع تحذفك قاعة البير
ومن يلتوي في حبلها ما استعاشي
والمرجله ماهي بجمع الدنانير
علّم مجمّعت الذهب والمواشي
المرجله دين وشهامه وتقدير
ومنصى الركاب الظامرات العطاشي
في مجلسٍ فيه الدلال المباهير
ونوادرٍ يطرب له كل جاشي
يظفر بها اللي ما يحسب المخاسير
حُرٍ على كسب النواميس عاشي
وصلاة ربي عد ما غرد الطير
على النبي عدة مزون المناشي
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.