في شاربي لروّقه
الحارثي كبتن يسوق الشعر سوق
سوق السحاب اللي تسوقه عاصفة
أنا ليا شيدت بيتتي فوق.. فوق
أعرف مدارات الغبي وأخالفه
ماني على تحطيم حسادي سبوق
أعطيه فرصه وأكسبه وأحالفه
وأن عادها نشقته أبياتي نشوق
لين يغمع مثل القطاه الخايفه
يرجف تحت رعاد حرفي والبروق
غصون شعري بالقصايد وارفه
نقض وفتل مانعرضه في كل سوق
مثل الذهب محفوظ في مصارفه
في شاربي لروّقه..يعني يروق
وأكشف ضحالة شخصه ومعارفه
شعري جمل..لاحشو لاقطعان نوق
ياللي تحسبون القصيدة سالفة
أن كان مايدخل قصيدي فالعروق
لا بوه من شعر .. لا بو طوايفه
واليوم جمهور الشعر معدوم ذوق
استبدلو جزل القصيد بهايفه
تطبيل في تطبيل زايد نفخ بوق
وليف يمدح شخبطة ولايفه
اليا كتب له مخجله قالو صدوق
واعطوه من زور الكلام وزايفه
هم عيشوه بحلم جعله مايفوق
والشعر حول للوطى من نايفه
المارقين اليوم نشبو فالحلوق
يا أهل الشعر شمس القصايد كاسفه
تنكست للغرب من بعد الشروق
الحزن مطبق والمدامع ذارفه
تكفون ثورو ياسلاطين الطروق
الكفو لازم يحتمي مواقفه
سعود الحارثي(شاعر المستحيلات)
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.