أسعد بلحظات السعاده والافراح
لاتأجل أفراحك على مركب اوهام
الحزن ضيف بسطوته دوم جراح
ما يحترم موعد ولا ينفهق عام
لاتلتهي عن دلتن فوحه فاح
مدام لك شفٍ بتحقيق الأحلام
الحلم صمله لو يطول فلا طاح
اصبر وبصبر يتحقق بالايام
وليا عسرك الوقت من وين ماراح
لاترتخي للوقت وتعيش منضام
غامر بعقل وخايل البرق للاح
برق الفرص خلك لها دوم ضرغام
الوقت قاسي وبالصبر تجني أرباح
خلك بعد قاسي وللوعد قدام
لاتخلف وعودك ولا تصير نباح
أثبت لها وإن لزمت حث الاقدام
دام الثقه من بينكم تلبس وشاح
والصدق يبرا الود والشوق ما نام
أقدم مع الاشواق والروح ترتاح
ما فيه روح بلذة الشوق تنلام
ولوطال ليلك والسهر عنك مراح
لابد من صبحٍ يجي بعده تنام
خلك حريص وسر قلبك لاينباح
والحلم خله حلم لاتهدم احلام
مافيه شي يجيك لصرت مرتاح
وما فيه مرتاحن بلا هم ووهام
اصبر وخلك لالصعيبات نطاح
واجزم على الصعبه ولو دونه اسهام
خلك بروح الطير وبريش وجناح
واشلع مثل حرٍ بكبد السماء حام
والمشكله بالوقت كان العزم طاح
تلحق على نفسك حسايف وتنلام
كلن ترا عايش بجهدٍ وبكفاح
والمهتني من قام صلى ومن صام
والحزن مهما طال لابد ينزاح
ولا دايم الا الله وغيره فلا دام
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.