سلام عد ما لاحت بروق الوسم يا ضيدان - راشد بن مريعيه
قال بن مريعيه....سلام ٍ عد ما لاحت بروق الوسم يا ضيدان بروق ٍ تلتعج قبله صدوقه ما نكذبهاسلام الله على اللي شاقني نظمه على القيفان جزيل ٍ بالمعاني والهزيله ما يقربهاالا يا الشاعر المبدع قصيدك يطرب الشفقانعليك الله وامان الله بحورك لا تسيبهاصحيح ان البحر هادي ولكن للبحر طوفانوصحيح ان الهوى غربي ولا تامن هبايبهاأنا خابرك حر ٍ للسمينه ترخي الجنحاننعرف ان الحرار الصبح تشبع من مخالبهاأنا بنشدك عن بنت ٍ مكاسيها من الحيوانتجر الصوت وان سكتت ولدها فوق غاربهاولدها مالها غيره ولاله يالعميل اخوانيجر الصوت ويا امه واليا صاحت يجاوبهااذا جمعتهم صاحوا واذا فرقتهم طرمانلها ناس ٍ تصاحبها ولها ناس ٍ تحاربهاغريبه في طبايعها تحير صافي الاذهانلها صوت ٍ اليا صاحت كثير الناس يعجبهاقصيده هاضت بقلبي من الوجدان للوجدانمعاني تندرج بسطور تلاعبني والاعبهامعاني نظمها هين انا وان قلت وش خسرانيجي منك الصدى والا يجيب العلموقال ضيدان بن قضعان........بعد طالت وطال الليل ما رد الخبر ضيدانعلى قوم ٍ سلاطين العرب صوبي تندبهاتناوشت القلم والطرس لا رايق ولا طربانولكن واجبي يوم النشاما عند واجبهابعد ذي مرحبا ترحيبة العجمان بالعجمانتراحيب ٍ تعبر عن مشاعر من يرحبهابمن جاب الرساله والرساله زينة العنوانومرسلها وبادعها وممليها وكاتبهابعد تم اطلاع الشاعر المتغطرس الفهمانعلى مضمونها واسرارها واغلا غرايبهاواذن للجن ينظم للعوازم غالي القيفانتنقاها واذن للي ترتبها يرتبهاوانا يا بن المريعيه تراني من شهر شعبانازينها المسا والصبح باذن الله اخربهامحيرني من الالغاز ما يبحل به البطراننشبت ابها عسى ربي يفكك من نشايبهاولكني يا راشد واعترف عن حلها عجزان وقررت انحر القيفان والالغاز اجنبهاواختم القول ما غنى على الشنه طلق رجعانسلامي للعوازم من ورى البصره الين ابها
© 2024 - موقع الشعر
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.