❤️مجهار
ياوادي الشعر سيلك خوف القمري
ماعاد يسجع بصوته مثل مهمومي
بعد الدهر جيت تروي حالي المبري
حال سقته الليالي كاس مسموميً
مجهار ليلي يخوفني وانا بسري
ومابان وجه القمر أسير بقدومي
من ضيقة من صلاة العصر في صدري
وإن جات تطلع توقف عند بلعومي
وتصير عبرة حزين في لحد قبري
يلحد من اغلى القرايب راس شغمومي
ياويل حالي على اللي فات من عمري
الماضي اللي رحل مافيه مقسومي
نعد ليام واثر ايامنا تجري
وتجر معها العمر والدرب مرسومي
ياشيب لي صرت وافي ماقصر شبري
ماني بخايف تبين بوجهي اليومي
ومادام ساسي عريق وعارف قدري
بشيل حمل الزمان وبنطح القومي
واختار من خوته تبقى على خبري
ولا المصالح تذوب وماهي تدومي
الوافي نصون معروفه وله نشري
ولا الردي من يباه ونرخص السومي
حسين القفيلي
في الثلث الاخير قبل اصلي الفجري
جاني رساله عزيز طيرت نومي
حسين يشكي من اللي في الفكر يطري
علم مابين المحاني جاله وسومي
مدري وش اقول لكن يتعب الفكري
علم يرقي اللبيب براس مزمومي
وذكرت مافات يوم ان العمر بدري
وايام مرت علينا كنها حلومي
لكن هذه الحياه وطرقة العبري
رحلة سفر علمها ماهوب معلومي
يعلم بها اللي عليم ب لليلة القدري
الواحد اللي علينا فارض الصومي
والطيب اللي لعلم المرجله يشري
خل المصالح واهلها دايم رخومي
ومن طيب راس القفيلي مالنا عذري
ورد الرسايل علينا صار ملزومي
مجهارالاكلبي
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.