ويقول أبو مزعل ترى القلب مقدود
ذي ما يخاف الله قده قدودي
من سبته يا ناس لي شهر ما رود
والنار في جوفي توقد وقودي
ذي مبسمه يلمع وداخلة عنقود
وخدود منقوشة شبيه الورودي
وعيون نعاسه وعسلية او سود
و رموش عينه ظللت على الخدودي
وزوده ربي في جماله شوي زود
على جميع البيض في الزين زودي
اخاف على المحبوب من هبت النود
واخاف من ثوبه يدوس النهودي
اللي خياله دوب القلب ماجود
دايم خياله ما يفارق وجودي
قد كنت أنا اشوفه ولا عندي وعود
واليوم ما أشوفه و عندي وعودي
درب الهوى ما بيننا صار مسدود
و صار ما بيني وبينه حدودي
خلي تسمع في شواني وفي حسود
و تسمع الواشي وذي هو احسودي
يشكي على اللي فاهم العشق ببنود
عارف قوانين الهواء بالبنودي
أحمد حسين اللي بذّلقاف مقصود
بشكي عليك الحال يا ابن الفهودي
يا عارف الجودة ومن سابق اتجود
و من منسبه جيد لزومن يجودي
كيف الخبر والحل محبوبي ايعود
أريد محبوبي عليَّه يعودي
وأن ما رجع خلي ترى السم ما جود
ماعاد أبا أنا حيً بعد العنودي
وآخر كلامي يا عوض دق على العود
يرتاح قلبي ذي سمع صوت عودي
صلوا على المختار ما حنت ارعود
وعداد ما هبت هباهيب نٌودي
عبدالله بن جربوع أبومزعل
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.