بحريني. لـ شوقي العامري

مثلي مثل كل ّبحريني

يعشق بلاده ويغليها

من فتحت في الحياه عيني

وانا ارتوي سيل صافيها

ديره نبت حبها فيني

ماغاب ابد يوم طاريها

ديره من الطيب تكسيني

احلىواغلىغواليها

ديره من العشق تضويني

لاسامرتني لياليها

ديره من الشوق ترويني

لاصرت انا مغرم ٍ فيها

تبري جروحي وتأويني

لاجيت في يوم اناجيها

في قربها تزهر سنيني

لاصرت عاشق اراضيها

كلي وفاء لوتناديني

لا لا حشا مااخليها

رهن الطلب كان تبغيني

مايوم خيبت امانيها

أن غبت عنها تحاتيني

تبكي لبعدي ثوانيها

وأن جيت بالمال تشريني

تضحك لشوفي مراسيها

ياالله عسى دوم تسقيني

لافاض بالقلب حاليها

shawqi_alaamri@hotmail.com

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.

بحريني