زمان الأموال العفن او عبيره
التربيه نتاجه وتحتاج دبره
من له رعايا فالمهمة كبيره
عيالك من الجيل اكسبه منك خبره
نهج الشريعه فحرص انك نذيره
زرعك حصاد ابناءك الساس بذره
عيش الترف ضعف العزايم جريره
والمتزن أمن الزمن لو يفره
متاع دنيا المرء تخشى مثيره
اللي يكب المال في كل كره
فالكاش خبثن باليدين الغريره
ورع الدلع مورده سمن يدره
عند الشدايد ضايعن لا بصيره
قليل حيله دمع عينه يحره
ومهما اعتقد او غ ره آرا شويره
درب البواسل ماعرف فيه جره
من يزرع الحنظل مصيره مصيره
عاش الزمن حصاد شره ومره
اما ولد من روسهم مستنيره
بالله وما شرع حياته تسره
اللي انفطم عالمرجله بكل سيره
ابشر بطيبه وامتيازه وبره
روسن نشت عالطيب من هي صغيره
اكيد هامات الخلف دوم حرة
ونصيحتي يااجواد والأمر خيره
تآخذ بها مالك بها حب وأكره
عود ولدك المطلب اعني عسيره
يسر المطاليب ان تعوده ضره
واحرص تحطه بالتجارب وديره
تضمن له المخرج لو الوقت حره
ولا تغفل ان شفته يفكر بحيره
داره وخذ ماكن وانصحه مره
فنهو فطن وادرك من امره يسيره
فبشر بقرمن عند الاعراب دره
ابياتي اللي معتقدها سفيره
هي نظرتي ماهمني كم تشره
نظمتها والقصد بالقاف خيره
عله يدر النفع بالألف مره
ومن دون شك ولجل ماصير سيره
ماعم يمكن للمرفه مسره
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.