آضيق من جور الزمن وآنا حزين
قلبي تشب النار فيه وتصطلي
ومهما شكيت من الهوى ببقى رزين
عسى الهموم اللي بصدري تنجلي
صابر على جور الليالي والسنين
وسود الليالي بحملها ترمي علي
ترمي وأنا لحمولها جنبي متين
ولو تلته تل المحالة للدلي
ومهما قست واثق وأنا عندي يقين
باللي نصر طه النبي المرسلي
وأدعي عساها تستوي لي ثم تزين
انت السميع لدعوتي وانت الولي
دعيت باسمك ثم رفعت لك اليدين
خاضع وانا لرضاك طالب واسألي
ماهمني هرج الثلاثة والثنين
واللي يحايل حيلته ماتنطلي
وعداي مادانت به يديها تدين
وازيدها غل ِّ به الصدر يغلي
واذا امتلا بصدورها الحقد الدفين
كلاً يموت وهو بحقده ممتلي
والطيّب اللي فعله وطيبه يبين
لوهو من اقصى الناس اعدّه من هلي
ابادله بالطيب وآمد اليمين
طيّب واحب الطيب وآعز الشلي
آنا كذا ماني بحي الله فطين
زايد على من زاد وآنا الأولي
وانا بفضل وحمد رب العالمين
من حكمة اهل المعرفة ماني خلي
وعلى عداي الحاقدين المارقين
وطيتهم يوم اعتليت بمنزلي
أرقا على العليا وللعليا رهين
وروس النوايف هي مناي ومدهلي
ونجم الثريا والجدي والفرقدين
تحتي وأنا اللي فوق نجمي معتلي
حمد بن توزان ✍️
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.