باديا بسم الله اللي له العابد سجد
خالق الدنيا وعالم خفي اسراها
الله اللي عز الاسلام وعزج يا بلد
لين عم الامن والخير كل اقطارها
في فرحكم يا ابو يوسف وفينا بالوعد
الرجال اللي حشا ماتطفي نارها
جيت ابارك لك واهنيك في عرس الولد
في حضور عيال عمك رفعت اشعارها
يوم نصبت خيمتك جو على الدعوه هدد
كنهم حجاج مكه تقط اجمارها
الدريويش عز والله من جوله سند
حربة بالصدر بيفرى اللحم مظهارها
من عرفهم عاش معهم على عز ورغد
واليدين الطايله ماتجيك اخطارها
الكرم موجود والطيب للقمه صعد
أسال العريف عنهم تجيك اخبارها
عيد ابن مالح ليا جاه ضيفه مايصد
كم ردومن اخلجت عقب ذبح حوارها
فيك شبه منه يا حر يا طير الهدد
مايقدم من رجالن يا كود اخيارها
ذكر اخو صيته ليا حل..ياذكر السعد
طيباً يشهد له كبارها وصغارها
اكثر الترحيب للي يجيك ليا قعد
صبله من دلتن زايدين ابهارها
سق على الشايب ومن بعده اثنه للولد
لا تقصر في رجالن وفت بشبارها
اطلب التوفيق وازم برايك واعتمد
الردي يمناه تقصر سواة ايسارها
القصيدة جتك مني ولك مني بعد
ومثلها يا صاحبي وافين مقدارها
دام لابتك العوازم وكلن مستعد
اضرب الميدان وفقت يا مغوارها
وختمها مني صلاةً على محمد عدد
مشرقة شمس الضحى في شعاع انوارها
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.