يوم زان المدح سوّيت القصيده في بلادي - احمد بن مطر الهاجري

يوم زان المدح سوّيت القصيده في بلادي
دولةٍ عظيمةٍ لو هي صغيره فالخريطه
 
كل عامن في شهر فبراير افراح وعيادي
شعبنا طاير من الفرحه على ظهر البسيطه
 
هذي كويت الفخر والعز بفعالن تشادي
مانصدّق بالكلام اللي بياناته غليطه
 
تستمد الهيبه العظمه من الشيخ القيادي
شيخنا مشعل يحفظ الأمن برجالن نشيطه
 
قايد الدوله على القمه يقود ولا يقادي
قادها بعزم وثبات وحنكه وحكمه وحيطه
 
مع ولي العهد ابو خالد له العلم الوكادي
ذا صباح الخالد ألجم بالذكا ألسنةٍ سليطه
 
للتقدم والتطور والرخا والازديادي
واقفن دون الفساد ودايمن حوله يحيطه
 
مانسينا غدرت الظالم يوم ان كاد المعادي
يشهد التاريخ بالتسعين لا عادو شريطه
 
الدول وقفاتها تذكر يوم ان ناد المنادي
الخليج اليعربي من ارضه لأقصى محيطه
 
نجتمع بكويتنا في عز من حضر وبوادي
ولا تفرقنا عن الوحده مفاهيمن خليطه
 
عيّدي ياكويتنا بعيدين بثيابن اجدادي
واطردي عنْك الهموم اللي عواقبها بسيطه
 
احمد الله كل عامن عيدنا دايم يعادي
وطابت جروحٍ مع الأيام قد كانت مخيطه
© 2025 - موقع الشعر