قصيدة محمد ين محماس المطيري
…………..
حنا بهالدنيا سوات السبابيح
اما سبحنا صح والا غرقنا
احد(ن) يعوم وياخذ شوي ويطيح
وأحد وصل بر الأمان وسبقنا
الشعر به حكمه وللنفس ترويح
ويالله عسانا يوم قلنا صدقنا
الحر يفهم يوم نعطيه تلميح
والصنف الآخر يجهل اللي طرقنا
العمر يذبل يالوجيه المفاليح
ولابد مايابس ويسقط ورقنا
لاتشتكي من ضيم الأيام وتصيح
مادامها من دبرة اللي خلقنا
والقبر حفرة والنصايب صلافيح
والدور لو يبطي علينا لحقنا
قبلك تقافت بالرجال الطحاطيح
لاتحسب أنا من بلاهم عتقنا
أوضاعنا تحتاج توبة وتصليح
توبة نصوح إن كان ربي رزقنا
……….
مجاراة خليل بن هدلان
بعض القصيد يوسع الصدر ويزيح
عنا الهموم اللافيه كان ضقنا
وفي قاف ابن محماس عبره وتوضيح
وتوجيه نافع كان منه انطلقنا
عسى لنا بالخير قسم ومرابيح
وعن العباده وقتنا ما سرقنا
ونمشي دروب اللي تحوش الاماديح
وغير الفعول الطيبه ما عشقنا
كلٍ على الدنيا ركابه مشاويح
ولا همه الا بالزمن ويش يقنا
العمر يجري مثل ما تجري الريح
والموت لو نحتاط عنه درقنا
ياما خذا قدامنا من زحازيح
وحنا لا جا ميعادنا ما فهقنا
يا رب لا جات المنايا مراويح
والموت حان وعن بعضنا فرقنا
تجعل لنا في كفة الخير ترجيح
وفي جنة الفردوس تكتب وفقنا
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.