قصيدة بالعامية المصرية
.....................
الدنيا هم -
........... مش عارف طريقها منين
أجي يمين تتسد
أجي شمال تتسد
والحزن زاد الحد
........... أمشي يارب لفين
يمين ما هو - مسدود
شمال بقول - مرفوض
........... والقلب عذبني
أنا قلبي حب ودق
يمشي في طريق الحق
........... والدنيا مآ تسيبني
يا دنيا حسي قلوب الناس وهمومهم
يشكوا لمين - دمعهم نازل على خدودهم
الليل صحيح ستار
صدق إللي قال ستار
سهران عذاب في مرار
........... لكنه ساترني
ماشي النهار محتار
ببكي على المشوار
........... ضاعت سنين عمري
والهم مالُه قرار
........... مين إللي هَيْلِّمُه
أنده بعلو الصوت
أسمّع الملكوت
الهم جاب الموت
والعمر - مر - يفوت
........... مين إللي يحسبْلُّه
أملي وراح زمنه
الحب كان أمله
........... سَبْنِي ما طمنِّي
والقلب كان أملُه
الفرح يوصلُه
لكنُّه غاب عنه
........... والهم غلّبني
سَبْنِي وراح لبعيد
عمّال بعيد وبزيد
........... يارب فرحني
يارب يا ستار
أكمل المشوار
واوصل لبر عمار
........... والفرح يوصلني
.....................................
آسف لهذه السوداوية في هذه القصيدة
# الششتاوي سلامة
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.