الا يا ديرتن فيها
هوى صافي وراحت بال
تشوف اعلى رواسيها
سحابٍ والمطر همال
هدر واصبح في واديها
بحر من فوقه الشلال
وصوت الحق يدعيها
على الارض وعلى الاجبال
وفيها ما يكفيها
وفيها من جميع أشكال
على الممشى قهاويها
جلست وخذت لي فنجال
ياصوتي جر وغنييها
وجر اللحن بالموال
وانا ابوها وسميها
وانا اضرب لك الامثال
وانا الوادي وممليها
وانا سيل المطر لا سال
وانا الحاضر وماضيها
وانا طول الجبل لا طال
رقيت وشفت عاليها
من أشجارٍ ماهيب رمال
بساتين الله معطيها
ما قد جاها رعي جمال
لون شوفت خطاويها
وهي تقبل يحي الفال
عطايا الله نسميها
وبسم الله على كل حال
يدور الوقت ونجييها
يدور الوقت لترحال
يحي اللي محييها
خويٍ بالسفر ما مال
يميني ما يخليها
وأنا حمولي تراها ثقال
اعديها ويمشيها
على السمنة نزيد اعسال
وانا اصحابي اماريها
على الطيب وعلى الافعال
ولو بذكر اساميها
ابذكر ونعم تنقال
وخلوني براضيها
اسج واقفل الجوال
بعيدٍ عن ضواحيها
عن الضجة وقيل قال
ما أقول الا الله يهديها
ويبعدنا عن الجهال
سلامي من يصفيها
جنوبي لو هواه شمال
ما كل الناس مرضيها
انا مرضي جميع الرجال
ياكم نبني مبانيها
بنينا والكفو مدهال
ترى الطيب يخاويها
رجالٍ بالفعل ابطال
دعيت الله يحميها
وعسى الله يصلح الاعمال
ثلاثينٍ اسويها
بيوت منظمه وجزال
سلام الله وننهيها
كثر ما نقطع الاميال
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.