البارحة جيتك

لـ مفلح نجم، 17/01/25 07:27:29 PM، في الغزل والوصف، 4

البارحة جيتك - مفلح نجم

البارحة جيتك وانا خاطري ماش
عقب البطا…. واخاف. لاتنشديني

جيتك وانا عن كل هالناس ..منحاش
كل الكلام اللي معي (.….دثريني)!

البارحه جيتك. وانا حالة ..…انعاش
بين الرجا. والياس …،،،والا اذبحيني

جيتك لحافي خوف،، وجروحي فراش
اشيل ذنبٍ من فعايل ….يديني

كل امنياتي من…… مطر ودّك رشاش
والا .. على قل الوفا…. …..عاتبيني

لاتتركيني بين… ميّت. ولا …….. عاش
وذل الخضوع ان قلت. …..لا تتركيني

لابوك ياشوقٍ مسودن ……..وغشاش
ضيعتني من راس مالي…. وديني

تبني لي القصر المزبرق. على قشاش
المنفتح بابه ..،،، ابو…….. درفتيني

منقوش بطنه من تصانيف …..نقّاش
والبرد في جوفه يلخص……… سنيني

تلعب شبابيكة. مع الريح. بالجاش
لعب الهنوف اللي تجر الهجيني

لاهو بمدهالٍ. ولا……. مسكن اللاش
الا انه القصر الخفيف ……الرزيني

تارد عليه البل ……وتروح عِطّاش
ونجره على طول السنه ……له دنيني

لابوك يا. قصرٍ دعاني على ماش
واحلف م اعَوّد..له ….(واكَفِّر يميني)

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.