ألا يالله علاّم الخفايا
عظيم الشان غفار الخطايا
تجملني وتستر كل خمله
ولاتكشف عيوبي للبرايا
لان بالناس شمات وصاحب
فعسانا من حسينين النوايا
بعدها للشعر معنى وهيبه
يفك رقاب لي جات النخايا
وانا سخرت شعري للنشاما
قراح يروي كبود الضمايا
وعلى دعوة كريمين وعواني
هل الطاله حميدين السجايا
دعاني غالي من روس هبره
وانا بتسوقني فيه الحمايا
بزيي والبزي بيشوف خاله
نسوق الرجل لو راحت شضايا
على العادات وسلوم القبيله
وهي روحي وهي دم وخلايا
أمثل لابتي ال القفيلي
قشانين ومن يام الدهايا
إلى ال سليم في حفل ال دسمه
الى متعب حفيد أهل المطايا
بزي احمد بن سالم معرب
عقيد القوم دهام السرايا
وخلف من لهم قدر وشيمه
عسى ان قبورهم مزن رفايا
وعسى الحيين في خير وسعاده
جعل مابينهم غيض وزرايا
وياندر قصيدي حق واجب
على صالح تردين التحايا
ولد عبدالله اللي له مواقف
بقول وفعل ماراحت حكايا
عسى رجلً غدا ظلً لربعه
ولا يسمع لنقال الوشايا
يعيش بخير في عز ومهابه
يذري اللي مواقفهم رهايا
أهل خيل واهل رمح وسله
واهل عِرف لما جات القضايا
وتخيرتوا نسبكم يالنشامي
بمذكر ال رزق اهل المزايا
قبيلة عز و التاريخ شاهد
وتشهد بالوفاءسبع النحايا
اهل طيب واهل طنخه ووقفه
هل الذود الأصيله والنقايا
رعوها من الحساء ل اسفل حبونا
أكابر بالفعول وبالعطايا
ولابه نقص في كل القبايل
جنوب وشرق في كل البرايا
نعيش بخير ربي وب امانه
ثم ال سعود مزبان الجلايا
ختمت القاف قبل يشيب مني
وقبل ماتذبل ورود زهايا
خذيت من الظهور اللي كفاني
ولا أطمح في بروز وفي هدايا
ولكن للوفاء المقدريه
اسخر كل مكنون الخفايا
لا يوجد تعليقات.