ياذا الزمن كثرة علينا بلاويك
وكلٍ من فعولك تبيّن صوابه
اللي على عز ومعزه يجاريك
واللي قصر فى الدرب ما احدٍ درا به
اللي ورث مجدٍ بعزه يصاليك
درب الشكاله جّوده والتوا به
على طريق العز يمشي مماشيك
في غبة امواجك يسيّر اركابه
مايجذبه للدون هرج الصعاليك
ضلع المراجل والمعالي رقا به
هذاك( راع الذود) مافيه تشكيك
عن غيرهم باب الرجا صك بابه
اسمع رسالة من يحبك ويغليك
يامعرب الجدين ذيب الذيابه
حذراك تقصر دون جدك واهاليك
اللي لهم فى الناس قدر ومهابه
جدك ابن سحمي على الطيب غاذيك
يوم انها بين القبايل نهابه
يسري مسار الذيب وقت التهاليك
في ليلٍ اظلم يرعب اللي سرا به
يوم المراجل نوخت له بلبيك
وتمشي على علمه ورايٍ بدا به
والمشيخه فعلٍ يقدي مواطيك
ماهي علومٍ سجلت باالكتابه
وطير الرخم لاعجز يرقى مراقيك
بين العرب دابٍ ملا السم نابه
لو هو من الادنين يصبح معاديك
ماكن يربطكم لحوم وقرابه
ياذا الزمن تكوي بجلدي مكاويك
من جلدنا تلعب بقوس الربابه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.