يا ليل قله طال صبري وسهادي
والقلب من طعنات وقتي تلوّن
أقبل علي لاتخاف وصلك مرادي
أنا بوجهك لا تصد وتهوّن
ياكثر ما تجرح وانا اقول عادي
من قوة جروحك بالاضلاع دوّن
شمّت فينا يا حبيبي الأعادي
وكلابهم في غيابنا كم عوّن
ما عاد لي في سكة الشوق حادي
في صفحة الغيّاب إسمي تدوّن
دنياي مالت بي وهزت عنادي
وازهار ورد الحب ذبلن وذوّن
ما كنت اظن تخون فيني الأيادي
في عز ضيقي واحتياجي تطوّن
ولا كنت اظن تضيق فيني بلادي
بالله عليكن يا همومي تروّن
ما كنت اظن الوصل يصبح رمادي
واللي وعدني يصون العهود هوّن
ما كان ودي يا خفوقي تُنادي
للي تذرّى في أماني وخوّن
أوفيت له ما خنت فيه المبادي
وما غيره من الناس عالعمر موّن
إتصنع هدوئي وانا غير هادي
اتثبتي ي ضلوع صدري وتقوّن
أزريت اصبّر خافقي في بعادي
خلي الجروح يسوّن اللي يسوّن
أرسم طموحي في ثرى الشوق وادي
والقى حنيني في مداك يتكوّن
لا تشتكي ليل الجفا يا فؤادي
لا بد ما يجلى الظلام ويضوّن
خلك على الأطلال لو قيل غادي
وكل الحنايا إشتياق ايتشوّن
ويا ليل قله طال صبري وسهادي
والقلب من طعنات وقتي تلوّن
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.