غاليه

لـ مضاوي، ، في الغزل والوصف، 6، آخر تحديث

غاليه - مضاوي

استودعتك ياربي نور قلبي وعيني
وياعسى ايام غاليه كل أبوها سعيده

ياحبيبه روحي وفرحتي في اسنيني
وياحبيبه ابوها ويا غلاه وريده

اقبلي كل قافٍ بصخره من كنيني
وان بغيتي قصيده من وراها قصيده

اقبلي خلي القاعه ياصافي الجبيني
تنبهر اب زولك اللي ذابح له بديده

زول امي وابوي وزول مني وفيني
فدوةٍ لك حياتي والسنين المديده

طلتك نور شمسٍ ليا منها تبيني
ساطعٍ نور وجهك مثل نور الوقيده

يالقبال السمح يالزين يالعقل الرزيني
ياحلي المهاة اللي فالخصايص فريده

ارويسيه منابتها ازهور و ياسميني
فارقه بنت محمد فالصفات العديده

مشيخه اب ضف تم وحاضر وتبشريني
في ذرا محمد و عبدالعزيز وعضيده

ساسها امطير و عزوتها في علوى تبيني
مدلهين الطراقي فالسنين الشديده

بنت قومن كرمها ذبح كبش سميني
وفعل اهلها مع العربان كلن يشيده

© 2026 - موقع الشعر