وقت الشدايد ينعرف قدر الرفيق اللي يبين - عبدالرحمن الجربوع

وقت الشدايد ينعرف قدر الرفيق اللي يبين
والوقفة اللي ترفع الراس الرفيع أندر قليل

يا قلّ من يثبت معك لا شانت ظروف السنين
ويا كثر من يضحك معك لا صار وقتك لك جميل

وإن طحت في كفّوٍ يشدّ العزم ويمدّ اليمين
تلقاه في حزّة لزومك مثل ضلّك ما يميل

هذاك لو ينباع في سوق الوفا والغانمين
والله لأحطّ أغلى حلالي لو يجي وزنه بديل

رفقة رجالٍ تشتري الطولات بالعلم الثمين
تسوى كنوز الأرض كلها لا غدا وقتك ثقيل

© 2026 - موقع الشعر