ذكر على عيني وهيض عناها
شوف الديار الخالية عقب أهلها
ما جيت من دار قعد أهجاها
واسأل ديار الحي عن ما نزلها
شفت الديار اللي رحل من بناها
راحت جدايدها وباقي سملها
كم مجلس ضوه يقودك سناها
رحل مصاليها وغاب معملها
لا خير في الدنيا وزرق وراها
على البشر صكاتها ما عجلها
دنيا على الاجواد دارت رحاها
خلت منازلهم تهدم حللها
لو أن جزع عيني وكثرة بكاها
ترجع لنا قوم تقافت رحلها
نخيت عيني لا تباخل بماها
وبكيت لين العين ييبس بللها
على بني عم طري نباها
يا ليتها ترجع ويرحل بدلها
لا دار من فوق المحالة رشاها
يوم به العقال يكثر جهلها
جوابر تذري ويذري ذراها
وتنقل حمول غيرها ما نقلها
هل ديرة يا من بها من نصاها
ويحل في عوصًا رفيع جبلها
لا جيتم نفسك تحس بغلاها
تزيد فرحتها ويبعد زملها
عزاه يا دار عذي هواها
وديانها تبكي ويبكي مثلها
وتبكي الغروس اللي وصايف حلاها
وصف البنات اللي تنسل قذلها
من عقب أهلها نازل مستواها
من حل يها عقبهم ما عدلها
نزل بها قوم كثير لغاها
ما ينعرف لي حقدها من زعلها
كل نظر عينه قريب مداها
ومن جاه منك زلة ما احتملها
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.