فزع موج الفرح يطرد سهوم ٍ تنطوي أحزان
يبّشر خاطر الزعلان بنفسٍ دوم مسروره
ينادي بسمة غابت طواها الهم والنسيان
كفاها سنين قد عاشت بظل الظيم مغموره
حروف ٍ صاغها فكري تسلي خاطر الزعلان
تنومس من تخيّلها وجند إبليس مدحوره
ألا ياشعري الوافي ترى حقي عليك يبان
تبّين مايحس القلب تخفف بعض من جوره
كثير الناس تتسآل ياكيف الشعر ماينصان
مع اللي ضامته تظهر على هالناس مغروره
محرر مافهم شغله يحسب القاف مضغ ألبان
شعور الناس لامن جاه يشوته شوتت الكوره
وصيّ ورّشح لنفسه يصبح قايد الميدان
كثير اللي يهمشها وقع في وسط محذوره
وترانا في زمان النت نفوذه طوّع العصيان
يخل الكون مع كبره كما القريه وسط سوره
زمان يكشف التزييف فضح مايحوي الرديان
يكفي عقول عاثت به مريض الشعر دكتوره
يصف من الشعر أرداه يسطّر للخوي عنوان
لو إن القاف متشتت مع الأوزان وأبحوره
سألت الله يفرجها ويعوضنا عن النقصان
مادام إن شاعر الغفله ضعيف ولافهم دوره
وألا يازين شعر أول كما محسن وإبن عدوان
طروق ٍكلّها معنى يشع القاف في نوره
وترى في وقتنا هذا كثير ٍ والشعر ينهان
وساطه خلّت الرديان بهالصفحات محشوره
وشعر ٍ زاحم الدنيا سطور ٍ ناقصه ألوان
ثلاث أبيات تقراها وتوال حروف مكسوره
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.