... يـاهجيـــري ...

‎مآلت أغصان المحبه وإنقطت قطرة .. وداع
والورق ودّع عشيقه في ليالي مؤلمه

‎والثرى كنت أحسبنه , طيب وشهم وشجاع
مادريت إنه أناني ضحكة الغدر بفمه

‎زيّن الهرج وتفنن لين ماشب الصراع
تحت قطرات الندى ومن بين الأوراق نظمه

‎والورق معروف غصنه مايهمه.. مايشاع
لكن البلوى تزافر هالندى من مبسمه

‎والوعود ألي تجيه إمن الثرى كانت خداع
هدّم أحلام وأماني لا لفاله يظلمه

‎والندى لو طاح مره غاص في ظلم الوساع
وإنكبت في قاع ضامي والندم يمشي بدمه

‎والفرح ذاب وتلاشى وإبتدى درب الضياع
والسهر كنّه (شقاوي) عذب الناس قلمه

‎ياهجيري .. فرقونا كل ماحلّ إجتماع
وكرّهونا في بعضنا لكن السرّ.. إكتمه

‎غبت من سبّت عذول ٍ إشتريته ثم باع
وصار قلبك والمشاعر لاطرالك تشتمه

‎من رحل طيفك وأنا ألي بيني وبيني نزاع
كنّ في صدري حزين ٍ لاتذكرّك أرحمه

‎شف مئآسي هالخيانه أثرت بي للنخاع
شف مكانك في خفوقي شوف حزنه يكتمه

‎من ظلامي إل..ظلامك مركب بليّا شراع
وحبك بقلبي وحبي (للعواذل) ... تقسمه

‎غابت البسمه وقفآ من سنا فجرك شعاع
وإنطوت صفحات ذكرى تأسر ألي تفهمه

‎والقلم لملم حكاوي حاولت تنهي الصراع
ولاكسب غير المأسي والجفاف ألي هزمه