اليوم أنا عالي المشراف عديته
أبيه يبري غليلن قام يطويني
والله لولا طويل الرجم لا جيته
إني لجوّد بنيباني ذراعيني
مبدا المراقيب مشط الرجل لاويته
وإليا رجيته مَعاد اليوم يرجيني
حبل الرجا دون بعض الناس قصيته
حتى لو إنه على الجنّه يناديني
وابن مجرّي نويت أجيه في بيته
وأنخا الذي ياخذ الأرواح بالدّيني
واليا وصلته بعال الصوت ناديته
سلطان لك موقفن بالضيق يرضيني
وأكبر دلايلك مدين يوم سميته
سلطان ياخوي تكفى لا تخليني
العام ذيب الخلا بالليل خاويته
واليوم أشوف الثعل ودّه يخاويني
سلطان يا خوي راسك يوم خصّيته
ما شفت غيرك يابو مدين يشكويني
الشرق الأوسط ترى شيمتك ماليته
سلطان غيرك وجوده ما يذريني
يابن مجرّي وصلك العلم وأوحيته
يا جعل والدك للجنّه ووالديني
في جوفي الهم يا سلطان ضميته
لا ناموا الناس هم القلب يوذيني
عيني بردها هموم القلب معميته
شفلي مرادي عسى شوفك يقدّيني
بيتك نصيته وعندك سرّي أفشيته
ياللي بجاهك يميلن الموازيني
سلطان يا عزوتي غيرك ليا جيته
يمكن كلامه بوسط البطن يلويني
يمكن كلامه يجي فكري بتشتيته
بعض السوالف على قبري توديني
راحت حياتي على صبره وحلتيته
بين الشراشيف نار الصبر تكويني
سلطان ثوبي دموع العين مرويته
تطري عليّه همومي لين تبكيني
من جور الأيام جيب الثوب شقّيته
يالله طلبتك من اللي فات تعفيني
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.