الله أكبر دندن الفكر بالنغم الحزين
القلم يرقص علىالحرف والقلب يعوي
الهواجس ليلها ليل ، مير الله يعين
أترقب طلعة الفجر والليل سروي
من عيون الشعر خذت السمين من الثمين
أتخير شامخ القاف وأحطه خوي
وأدري أني ماقدرت أرضي الناس أجمعين
العقول أحجام ما تستوي ما تستوي
كل نظره ، تختلف بين عين وبين عين
قيل فالأمثال ، كلٍ بهمه يكتوي
وفالعرب فنجال طين وبهم فنجال صين
كم حضوضٍ يغضب الله عليها وتهوي
ماعلينا : ذعذعي ياهبوب العاشقين
أقفزي كل المسافات وإطويها طوي
من دواعي ذكريات المحبه والحنين
يقدح الإحساس والحب سلطانه قوي
أتذكر همسة الليل بين الساهرين
والكلام العاطفي والكلام المعنوي
مادريت إن المقادير تنصب لي كمين
فالعيون الساحره والجبين الشمسوي
ياجميله كلمتك رجعتني خطوتين
يافضيعه ، لاتخلين حبلي ملتوي
أنا من دوحة نجوم العرب لو تعلمين
البقوم مخضبين القنا والهندوي
ترسم الصحراء على جلدي ألوان السنين
في مرابع لابةٍ مجدهم ماينغوي
عزنا اللي كوّن الكون رب العالمين
لاتقولين بدوي ، سيّد الخلق بدوي
ملتزم في عروة الله وأحب الطيبين
لامضيّع سلم جدي ولا ولد خلوي
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.