1)يالزبرقان تكفى مانبي نرفزه
ياغزال الزوايا لايطق القفيز
لاتقولين .. إيزي .. تفرزه .. تفرزه
بالذهب انحتيني .. ماأبي منجنيز!!
دامني في حياتك موقفك عززه
لاتهمك قضايا العُرب والانجليز!!
حبنا اكبر قضيه .. وكانه المعجزه؟
لن اصغر طموحي .. للكبيره احيز!
تحسبيني مجرد شاعر ورزرزه!!
لعنبوا الشعر كانه للنشامى ركيز!
لاتشدّك اسامي الطق والهزهزه
لو كلوا يابطاطس ... ماكلوا مايونيز!!
والرجل ياحبيبه شيمته مركزه
وش تفيد القصايد؟ .. والردى به دزيز!!
كل واحد يفاخر لاامتطى لكسزه!
فاخريبي مادام انْ راس مالي عزيز!!
خيل ضمّر اصيله الكزه والكزه
جامها في يديني جامحه بالفزيز
كل عهد(ن) علينا .. ننجزه .. ننجزه
هي على قولة المصري : (هوانا لزيز) !
ياعيونك ذبحني حدّة القزقزه
سامريّه سهمْها .. في ضلوعي غريز
صورتك في خيالي بالغلا مطرزه
وكل حرف(ن) يصيبك ينتصب .. له هزيز
انتي زهرة رياضي ... وشعري المنتزه
لاتهمك علوج الارض والمارينيز!!
تابعيني مثل تتبيعك التلفزه
عللي واشرحيني بس قولي ... (2)craze
سمعيهم قصيدي فيك يامجهزه
وقولي اني كتبته في كلام(ن) وجيز
بين قلبك وقلبي قصة(ن) موجزه
اسمها : ( زبرقان وشاعرٍ ) مايعيز
شوق عمري تعالي واتركي النرفزه
خوذي الشعر كله واعشقيني .. (3)plese
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.