شاعر موديل(2007)غاطس ٍ كل البحور
وبنت الفكر متمرده ياحبها النظم الغزل
ابكيك يارجل ٍ تولع في هوا بدر البدور
راحت حياته ماذخر لاريال ولاحتى هلل
طبع الزمن داير مدار وكلنا وسطه ندور
من مات يموت وندفنه في حفرة ٍ وسط الرمل
العلم نور ٍ للعرب ان زاد زاد النور نور
وطبع الخبل يزعل اذا احد ٍ يناديه الخبل
قد قالها راع المثل(غبر على قرنك ياثور)
(ومن لا يطيع العلم يضيع)و قالها راع المثل
امثال ارددها على اللي مبتلي بداء الغرور
اعلوج ٍ من كثر الحكي تصوم وتفطر عالبصل
ناس ٍ بلا ذمه بلا احساس وكل ٍ له ديجور
اكبر خساره يارجال الصنف ذا يحسب رجل
كل ٍ يصرح له كلام الساحه صارت في دبور
راع الدوادي والحكي مهما حكى مامن فعل
مثله مثل غيره عن دروب الرجاجيل معثور
مثله مابين الناس ابد ماوالله تلقاله محل
لن الردي يبقى ردي مثل القوارير السفور
وإلا اللي مثله لابدا ثم لابدا مابه امل
اكبر مصيبه ياعرب كذبان وعيشتكم ديكور
كذا .كذا .دايم .كذا .الحين وبعدين وقبل
المسرحيه يا(ولاء)لو تنعرض عدة شهور
يبقى البطل فيها بطل من عقبها يرجع رخل
مال المشاعر مدرسه إلا مع الرجل الصبور
دارس ومتخرج من الدنيا وله اصل وفصل
ماجا يدور من ورا شعر ٍ تفننه الحضور
هذا بيوته قالها جواب ٍ الكل من سئل
بيت ٍ على بيت ٍ على بيت ٍ وشيد له قصور
ينظم على الوزن الثقيل ينظملكم معنى ٍ جزل
من حادثه لاحادثه متنقل ٍ بين الجسور
يهدي جميع اللي توسوس له شياطينه وظل
معنى وحروف ٍ من ذهب تبرق على كل السطور
مشاعر ٍ ترقا العلالي شامخه مثل النخل
زرازير الحياة الآتيّه راح ٍ هِب ٍ منثور
متى على الله ياالملوك يقلد الوحش بحبل
في غابة الاحلام خطر ٍ تنقرض فيها الزهور
بسباب ناس ٍ ويلها من ربنا عز وجل
هذي بيوت ٍ قلتها مافيها جمع ولا كسور
وبنت الفكر متمرده وخير الحكي ماقل ودل
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.