قال الذي على الكريم اعتماده
الواحد اللي خالقٍٍ كل الاكوان
من بعد ما عبّى القلم من مداده
وجا لليراع بصافي الطرس ميدان
واختار من نظم القوافي إجداده
من هاجسٍٍ ماهوب سالي وطربان
على الفقيد اللي قديمٍ اشداده
ابوٍ فقيدٍ قل مثله بالابوان
يا بوي أنا وياك تحت الإراده
وكل البشر والخلق والانس والجان
إرادة الخالق مصرّف عباده
والله هو الباقي وغير الولي فان
مستسلمين وراضيين ابمراده
منه القضى وله الرضى عالي الشان
الأجل ما ينقص ولا له زياده
امحددٍ تحديد مع عمر الانسان
إذ ا دنا فشل الدواء والعياده
ولا عاد تنفع حضرة اعيال واخوان
يا بوي فينا منك صبر وجلاده
نصبر وكل قلوبنا هم واحزان
لو تنفدي كلٍ يقدم افواده
لأجلك نبيع ارواحنا سر واعلان
كل بذل وسعه وجاب اجتهاده
وقّع بطاقات التبرع بالابدان
لكن جا الغايب بساعة معاده
ما تنفع الاسباب حان القدر حان
عساك بالفردوس تلقى براده
في جنةٍ ماهيب تشرى بالاثمان
وعساك في قبرك بعفوٍ اتزاده
ويعل ذاك القبر من غر الامزان
أكبر عزانا إنك نطقت الشهادة
بعزم ويقين وقوة اخلاص وايمان
وصل الخبر لندن وباريس اعاده
وارقى المشافي في امريكا والالمان
بمتابعة رمز الوفاء والرّياده
إن قيل منهو قلت : سلمان …. سلمان
أمير نجد وحب أهل نجد أجاده
عادة وفاء في سيدي طير حوران
شرب المروه والوفاء في مهاده
ويمناه غيثٍ صادق الوبل هتان
أضفى علينا سيدي من وداده
اللة يجازي سيدي بر واحسان
عنا مسح حزن الكدر والنكاده
بكفٍ حنون وعطف من أكرم انسان
ومن صار سلمان المكارم سناده
يسلى ولو صدره من الهم مليان
عسى يحالفه السعد والسعاده
ترافقه طول المدى وين ماكان
عوق الخصيم اللي تزايد اعناده
ريف الصديق اللي من الوقت منهان
سيفٍ صقيل اليا انجرد من اغماده
فعله ينومس يوم روغات الاذهان
ملك قلوب الناس سيدٍ وساده
وترفع له البيضاء على راس مابان
دايم جهوده تستحق الإشاده
ويكتب لها في صفحة المجد عنوان
شخصه توفر به مزايا القياده
ماصايرٍ مثله على مر الازمان
ياكاتب التاريخ ب. الاسم ناده
واجمع محررت الصحافه بالاوطان
وخل القلم يكتب بليا هواده
حقائقٍ تبقى للاجيال تبيان
ومن لنصفه ربي يعجل نفاده
ويوم القيامه مايصيرله غفران
وتمت بذكر اللي يقدّر اعباده
الواحداللي خالقٍ كل الاكوان
نواف بن عبدالعزيز بن رازن
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.